९ आश्विन २०७७, शुक्रबार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
नेपाली क्रिकेट टिम काेराेनाकाे जाेखिम माेलेरै प्रतियाेगिता खेल्न थाइल्याण्ड जाँदै


नेपाली टिम कोरोना भाइरस (काेभिड–१९) काे सङ्क्रमणको जोखिम मोलेरै क्रिकेट खेल्न बिहीबार थाइल्याण्ड जाँदैछ ।

आउँदाे शनिबारदेखि सुरु हुने एसीसी पूर्वी क्षेत्रीय टी–२० क्रिकट प्रतियोगिता खेल्न नेपाली टोली थाइल्याण्ड जाने भएको छ । प्रतियोगितामा चीन, भुटान र म्यानमारले प्रतियोगितामा सहभागिता नजनाउने निर्णय गरे पनि नेपाल भने कोरोनाको जोखिम मोलेरै थाइल्याण्ड जान लागेको हो ।

थाइल्याण्डमा बुधबारसम्म ४० जनामा कोरोनाको सङ्क्रमण पुष्टि भएकोमा २२ जना निको भएको र हिजो थप ३ जनामा कोरोनाको सङ्क्रमण देखिएको अन्तर्राष्ट्रिय सञ्चारमाध्यमले जनाएका छन् ।

यस्तैमा नेपाली टिमलाई काेराेनाबाट बच्न सावधानी अपनाउन नेपाल क्रिकेट सङ्घ (क्यान) ले बताएको छ । बिदाइ कार्यक्रममा क्यानका महासचिव अशोकनाथ प्याकुरेलले थाइल्याण्डमा प्रतियोगिता खेल्दा खेलाडीलाई होटेल र मैदानबाहेक अन्य ठाँउमा नजान सुझाव दिनुभएकाे छ ।

शनिबारदेखि आउँदाे मार्च ६ सम्म हुने प्रतियोगितामा सहभागी हुन १४ जना खेलाडी, अफिसियल, फिजियोसहित १८ जना बिहीबार दिउँसो ३ बजे थाइल्याण्ड जाने नेपाल क्रिकेट सङ्घ क्यानले जनाएको छ ।

नेपालले पहिलो खेलमा शनिबार मलेसियासँग खेल्नेछ । नेपालसहित आयोजक थाइल्याण्ड, मलेसिया, सिङ्गापुर र हङकङ सहभागी प्रतियोगितामा नेपालले मार्च १ मा हङकङ, मार्च ४ मा थाइल्याण्ड र मार्च ६ मा सिङ्गापुरसँग खेल्नेछ ।

प्रतियाेगितामा शीर्ष दुई टोली एसिया कपका लागि छनोट हुनेछन् ।

Nabintech