१ बैशाख २०७८, बुधबार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
व्यवसायी मैत्री संघ निर्माणका लागी हामी चुनावी मैदानमा छौ, हाम्रो कार्यकाल स्वर्णिम कार्यकाल हुनेछ ः महासचिव पदका उम्मेदवार नविन खड्का


कोहलपुर उद्योग बाणिज्य संघको २२ गते हुने निर्वाचनका लागी कोहलपुर क्षेत्रका व्यवसायीहरु चुनावी मैदानमा छन । चुनावी माहोल बिच सबैले लिने नाम हो साझा समाबेसी समुहका तर्फबाट महासचिव पदका उम्मेदवार नविन खड्का । खड्का झण्डै २० वर्ष देखि कोहलपुरको व्यवसायीक क्षेत्रमा क्रियाशिल छन । भारतिय सिमा बजारका कारण नेपाली कपडा व्यवसायी चपेटमा परेको समयमा समेत उनले कोहलपुर क्षेत्रमा ठुलो लगानीमा कपडा व्यवसाय सुरु गरे ।

खड्कासँग नविन ईम्पोरियमको नामबाट कोहलपुरमा दुई दशकको व्यापारिक अनुभव छ । कम बोल्ने र काम गरेर देखाउने स्वभावका भिजन भएका युवा व्यवसायीको पहिचान बनाएका नविन कोहलपुरमा मात्रै नभएर बाँकेमै कपडा व्यवसाय धारासायी बनिरहेको अवस्थामा कोहलपुरमा ठुलो पूंजी लगानी गरेर सिमावर्ती बजार रुपैडिहा जाने र खरिदारी गर्ने प्रवृतिलाई रोक्ने योजनाका साथ अगाडी बढेका थिए ।

कोहलपुर उद्योग बाणिज्य संघको यस अघिको कार्यकालको सदस्य भईसकेका खड्का यस अघिको चुनावमा सर्वाधिक मतका साथ विजयी भएका थिए । जुझारु युवा व्यवसायी खड्काले कोहलपुर उद्योग वाणिज्य संघको सदस्य संगै विभिन्न संघ संस्थामा आवद्धता जनाउदै सामाजिक तथा शैक्षिक क्षेत्रमा योगदान दिइसकेका छन् । ब्रिज इन्टरनेसनल स्कुल, कोहलपुरको प्रबन्ध निर्देशकको भूमिका समेत निभाउदै आएका खड्काले कुशल व्यवसायीको पहिचान समेत स्थापित गरेका छन ।

बाँकेसंगै काठमाण्डौ लगायत देशका विभिन्न स्थानमा रियलस्टेट, हस्पिटालिटी र अन्य व्यवसायमा समेत सहभागिता जनाएका खड्का मुलत व्यवसायीसंगै सामाजिक कार्यमा बढी रुची दिने गर्दछन । कोरोना भाइरस (कोभिड–१९) कहर र विभिन्न समयमा आएका बाढी तथा अन्य विपत्तिको समयमा सहयोग गर्न सदैव अगाडी सर्ने सामाजिक भावका खड्का सामाजिक उत्तरदायित्व बहन गर्ने जिम्मेवारीका साथ कोहलपुर उद्योग वाणिज्य संघको निर्वाचनमा होमिएका छन । आफ्नो महासचिवको कार्यकाल स्वर्णिमकाल हुने बताउने खड्कासँग हामीले संघको आगामी निर्वाचनको विषयमा रहेर छोटो संवाद गरेका छौं ।

१) तपाईको महासचिव पदमा उम्मेदवारी किन ?

कोहलपुर उद्योग बाणिज्य संघको यहि फागुन २२ गते हुन गईरहेको निर्वाचनमा मैले बिष्णु प्रसाद खनाल नेतृत्वको साझा समावेशी व्यवसयाी समुहबाट महासचिव पदमा उम्मेदवरी दिएको छु । खास गरि कोहलपुर उद्योग बाणिज्य संघसँग व्यवसायीका थुप्रो गुनासाहरु छन । संघ व्यवसायीको हितमा खरो उत्रन सकेन की भन्ने व्यवसायीको मनमा प्रश्न पैदा भएको छ । हामी व्यवसायीको हितका लागी जन्मीएको संस्थालाई व्यवसायीक हित अनुकुल संचालन गर्न र सम्पुर्ण व्यवसायीलाई कोहलपुर उद्योग वाणिज्य संघ मेरो अभिभावक संस्था हो भन्ने भावना पैदा गराउने दायित्य बोध गराउनका लागी मैले महासचिव पदमा उम्मेदवारी दिएको छु ।

२. महासचिवको हैसियतले तपाईको व्यवसायीक एजेण्डा के के हुन ?

व्यवसायीका एजेण्डाहरु अनगिन्ती छन, हामी कति गर्न सक्छौ भन्ने हो । मुख्य रुपमा हाम्रो समुहले र मैले उठाएका एजेण्डा भनेको वाणिज्य संघलाई व्यवसायी मैत्री बनाउनु पर्छ भन्ने नै हो । भारतिय सिमा बाजरका कारण पिल्सीएका कोहलपुर बजारका व्यवसायीको हितका लागि उपभोक्ता शिक्षा मार्फत स्वदेश बस्तु र उत्पादन बारे प्रवद्र्धन गर्ने, कर शिक्षा बारे वाणिज्य संघले नियमित हेल्प डेस्क चलाउने, कोरोना काहरका कारण धारासायी भएको सबैखाले व्यवसायलाई संरक्षण र प्रवद्र्धन गर्ने, घरबेटी र व्यवसायी बिच देखिने घरबाहाल समस्या समाधानका लागि नितिगत व्यवस्था गर्ने, फुटपाथमा व्यवसाय गर्ने साना व्यवसायीलाई उचित स्थानमा बजार व्यवस्थापन गर्ने, बैजनाथमा निर्माण हुन लागेको औधोगिक क्षेत्र छिटो निर्माणका लागी पहल गर्ने र कोहलपुर क्षेत्रमा उद्योग स्थापना र संचालनमा प्रोत्साहन, समग्र राष्ट्रिय अर्थतन्त्रलाई टेवा पुग्ने गरि यस क्षेत्रमा रहेका साना लघु उद्याम तथा ठुला उद्योगहरुको बिकाश, बिस्तार र संरक्षण गदै नयाँ उद्योग स्थपनामा जोड दिने र सोका लागि अवश्यक पहल गर्ने र कोहलपुरलाई औधोगिक ग्रामको रुपमा बिकास गदै लघु तथा घरेलु उद्योग क्षेत्रका रुपमा विकास गर्ने योजना छ ।
हाम्रो विजयी भएपछि बिभिन्न खाले समस्यामा परेका व्यवायीको सहयोगका लागि एक व्यवसायीक हित कोष निर्माण गर्ने र बिभिन्न खाले प्रकोपमा परेका व्यवसायी लाई तत्काल सहयोग गर्ने निति लिईने छ । वाणिज्य संघ अन्र्तगत एक अलग्गै ईकाई स्थपान गरि व्यवसायीका गुनासो सुन्ने र तिनको तत्काल समाधानका लागि पहल लिईने बातावरण मिलाईने छ र पुर्ण व्यवसायीक सुरक्षाको वातावरण निर्माण गर्ने छौ ।

३. खास गरि कोहलपुर उद्योग बाणिज्य संघको नेतृत्वको लागी गैर राजनैतिक चलखेलहरु भए, निर्वाचनको मिती एक हप्ता रहँदासम्म पनि नयाँ सदस्या थप्ने र नेतृत्व आफ्नो हातमा पार्ने होडबाजी भयो भन्ने छ नी ?

यो चाँही दुखद कुरा हो । वाणिज्य संघमा नयाँ सदस्यताका लागि सधै खुल्ला राख्नु पर्ने भएपनि भोटीङ राईटका लागि निश्चित अवधि राख्नु पर्ने देख्छु म । कम्तीमा ६ महिना देखी १ वर्ष पहिले सदस्य बनेकाहरु मात्रै निर्वाचनमा सहभागि हुन पाउने व्यवस्था गर्नुपर्छ । जसले स्वच्छ व्यवसायीक प्रतिस्प्रर्धा होस र व्यवसायी हित अनुकुलको नेतृत्व आउने अवस्था रहन सक्छ । खास गरि बाणिज्य संघको नेतृत्व ब्यवसायीको हित अनुकुन नहुदा पनि व्यपारीले संघको सदस्यता नबिकरणमा चासो नदिने गरेको पाईएको छ । हामिले संस्थालाई व्यवसायी हित अनुकुलको बनायो भने अन्तिस समयमा नबिकरण गर्ने र नयाँ सदस्य बन्ने अवस्थाको अत्य हुन्छ र व्यवसाय सुरु गर्ने बित्तिकै संघको सदस्य बन्ने र हरेक आर्थिक वर्षमा नविकरण गर्ने वातावरण बन्छ । चुनवाको अन्तिममा नयाँ फर्म दर्ता गर्ने होडवाजी हुनु गलत हो ।

४. वाणिज्य संघको मुख्य जिम्मेवारी मेला महोत्सव लागाउने मात्रै हो भन्ने बुझाई छ नि के हो वास्तविकता ?

खासगरी मेला महोत्सव स्थानिय व्यवसायीको हितमा हुदैनन् भन्ने मेरो बुझाई छ । मेला महोत्वसवहरु, उपभोक्ता शिक्षा, नया बस्तु तथा सेवा बारे जानकारी लिन दिनहुनु पर्ने हो । तर त्यसो नभएर बाहिरका व्यवसायीले कपडा बिक्रि गर्ने र रमाईलो मेलाका रुपमा संचालन हुने गरेकाले मेला संघको प्रथमिकता भित्र पदैन । हाम्रो कार्यकालमा वस्तुगत व्यवसायीको सुझाव बेगर र स्थानिय व्यवसायीको हित विपरीत मेला संचालन गर्नुहुदैन भन्ने मेरो मत छ । खास गरि औद्योगिक प्रदर्शनी र बस्तु तथा सेवा बारे जानकारी दिने गरि मात्रै मेला लगाउन सकियो भने ठिकै हुन्छ अन्यथा व्यवसायीक हित अनुकुल हुदैन ।

५.कोहलपुरको समग्र बिकासका लागि तपाईको कस्तो भुमिका रहन्छ ?

बिष्णु प्रसाद खनाल नेतृत्वको हाम्रो कार्यकाल कोहलपुरको व्यवसायीक ईतिहासमा स्वर्णिम काल हुनेछ हामीले घोषणा गरेका छौं । हामी हतारीएर नेतृत्व लिने भन्दा निरन्तर व्यवसायीक क्षेत्रमा क्रियासील रहेर मात्रै नेतृत्व तहमा जाने अपेक्षा राखेका छौ । हामी कोहलपुरलाई औद्योेगिक ग्रामका रुपमा विकास गर्न, व्यवसायीक सुरक्षा र संरक्षण हुने स्थलको रुपमा बिकास गर्न र समाजिक उत्तर दायित्व सहितको व्यवसायीक क्षेत्र निर्माण गर्ने अभियानमा छौ । हाम्रो कार्यकाल कोहलपुर उद्योग वाणिज्य संघको ईतिहासमा स्वर्णिम कालका रुपमा चित्रित हुने छ । हामी स्थानीय सरकार
प्रदेश सरकार र केन्द्र सरकार संगको सहकार्यमा यस क्षेत्रको समग्र विकासका लागी क्रियाशिल रहने छौ ।

६ अन्त्यमा केही भन्नु चाहानु हुन्छ ?

कोहलपुर उद्योग वाणिज्य संघलाई व्यवसायी मैत्रि बनाउका लागि हामी बिष्णु प्रसाद खनाल नेतृत्वको प्यानलबाट चुनावी मैदानमा छौ । दुई प्यानल बनाएर चुनावमा होमिएको भएपनि निर्वाचित भई सके पछि सम्पुर्ण व्यवसायीको भावना र मर्म काम गर्ने प्रतिबद्धता व्यक्त गर्दछु । सबै खाले व्यवसायमा आवद्ध व्यवसायीको यस टिमलाई अमुल्य मत दिएर अत्याधिक मतका साथ विजयी गराउनु हुनेछ भन्ने अपेक्षा छ । खास गरी कोहलपुरको उद्योग र व्यवसाय क्षेत्रको सम्वद्धन र प्रवद्र्धन गर्नका लागि हाम्रो टिमको जित अनिवार्य छ । हामी साँच्चै केहि फरक गर्ने सोचका साथ चुनावी मैदानमा छौ । तपाईको मायाको खाँचो छ । हामी कोहलपुर उद्योग वाणिज्य संघलाई वास्तवमै व्यवसायी मैत्री बनाएरै छाड्ने छौ ।

Nabintech