१८ मंसिर २०७७, बिहीबार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
हिरासतमै अभद्र तथा कर्तव्य ज्यान मुद्दाका अभियुक्त मृत फेला


कोहलपुर/जिल्ला प्रहरी कार्यालय बाँकेको हिरासत कक्षको शौचालयमा बिहीबार राती बालक हत्या तथा अपहरण काण्डका एकजना अभियुक्त व्यक्ति झुण्डीएको अवस्थामा मृत फेला परेका छन् ।

बाँकेको वनकट्टीमा भएको बालक अपहरण तथा हत्या काण्ड मध्येका एक अभियुक्त बावुलाल रैदासले जिल्ला प्रहरी कार्यालय बाँकेको हिरासत कक्षको शौचालयमा झुण्डीएर मुत्यु भएको अवस्थामा शुक्रवार विहान भेट्टिएका हुन ।

बाँके प्रहरी प्रमुख प्रहरी उपरीक्षक ओमबहादुर रानाले बालक अपहरण तथा हत्या काण्डका अभियुक्त रैदास प्रहरीको हिरासत कक्षको शौचालयको झ्यालको डण्डीमा टाउकोमा बाँधेको कपडाको पासो लगाई झुण्डिएर मृत अवस्थामा फेला परेको बताए । उनका अनुसार रैदासमाथि अभद्र तथा कर्तव्य ज्यान मुद्दामा समेत अदालतबाट म्याद थपेर अनुसन्धान भैरहेको थियो ।

शुक्रबार विहानै हिरासत कक्षको शौचालयमा झुण्डीएको अवस्थामा रैदास फेला परेपछी हिरासत कक्षमा सँगै रहेका अन्य ब्यक्तीहरूबाट जानकारी पाएपछी रैदासका आफन्त, वडाका जनप्रतिनिधी, वकील, चिकित्सक, मानवअधिकारवादी, स्थानिय प्रशासन र आफनो माथिल्लो निकायलाई खवर गरेर प्रहरीले घटनास्थलको मुचुल्का तयार गरी पोष्टमार्टमको लागि रैदासको शवलाई भेरी अस्पतालमा लैजाने तयारी गरेको छ ।

अभियुक्त रैदासले टाउकोमा बाँधेको कपडाको पासो बनाई अरु सगैं रहेका थुनुवा सुतेको मौका पारी घाँटीमा पासो लगाएर हिरासत भित्रको शौचालयको झ्यालको डण्डीमा झुण्डीएर मृत अवस्थामा फेला परेको प्रहरीले जनाएको छ ।

तत्कालीन भुमिगत समुह तराई जनतन्त्रिक मुक्ती मोर्चा (ज्वाला सिंह) समुहमा आवद्ध रहेर रैदासले विभिन्न अपराधिक क्रियाकलाप गर्दै आएका थिए । उनि यसअघि पनि हातहतियार तथा खरखजना मुद्दामा ८ वर्ष जेल सजाय पाएका ब्यक्ती भएको प्रहरीले बताएको छ ।

 

 

Nabintech