९ कार्तिक २०७७, आईतवार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
अर्थतन्त्रलाई जोगाउन व्यवसायिक संक्रमणकाल घोषणा गर्न माग


नेपालगन्ज उद्योग वाणिज्य संघले कोरोना भाइरस प्रभावित अर्थतन्त्रलाई जोगाउन व्यवसायिक संक्रमणकाल घोषणा गर्न माग गरेको छ ।उद्योगधन्दा, कलकारखाना, व्यापार व्यवसाय र सर्वसाधारणको दैनिक जीवनमा समेत प्रतिकुल असर पार्ने कोरोना भाइरस प्रभावित समयसम्मका लागि व्यवसायिक संक्रमणकालको घोषणा गरी सहुलियत प्रदान गर्न संघले सरकारको गम्भीर ध्यानार्कषण गराएको हो ।संघका अध्यक्ष अब्दुल वाहिद मन्सुरी र महासचिव चिरञ्जीवी ओलीले  बिज्ञप्ती जारी गर्दै बिश्वभर फैलिएको कोरोना भाइरस का कारण सम्पूर्ण जनमानसमा त्रास उत्पन्न भएको र अर्थतन्त्रमा गम्भीर धक्का पुग्ने अवस्था सिर्जना भएको जनाएका छन् ।‘कोरोना भाइरसले बिश्व अर्थतन्त्रमा पारेको प्रभावले पश्चिम नेपालको प्रमुख व्यापारिक केन्द्र नेपालगन्ज पनि अछुतो छैन । नेपाल सरकारले नेपाल भ्रमण वर्ष २०२० समेत स्थगन गरिसकेको अवस्था छ ।पूर्वसावधानीका कारण आयात निर्यात कार्य लगभग ठप्प जस्तो हुँदै छ भने राज्यभित्र सन्चालनमा रहेको उद्योग व्यवसाय समेत धरासायी बन्न सक्ने भयावह अवस्था हाम्रो सामु देखिदै छ ।’–संघको बिज्ञप्तीमा भनिएको छ

राज्यले अंगिकार गरेको नीति, नियमलाई आत्मसात गरी व्यवसाय सन्चालन गर्दै आइरहेका उद्योगी, व्यवसायीहरुले उद्योग कलकारखाना तथा व्यवसाय सन्चालनार्थ लिएको ऋणको ब्याज तिर्न हालको र अवको परिस्थिती अनुकुल नदेखिएको बताउँदै संघले एकातर्फ आवतजावत, सभा सम्मेलन एवं सामुहिक क्रियाकलापहरु नगर्न सरकारका तर्फबाट अनुरोध भएको अवस्था छ भने अर्कोतर्फ कच्चा पदार्थ आयातमा कठिनाई तथा वित्तीय संस्थाबाट लिएको ऋण ब्याज समयमै तिर्नुपर्ने बाध्यकारी व्यवस्थाका कारण व्यवसायी निरास भएको बताएको छ । जसले गर्दा चैतसम्म बुझाउनुपर्ने दोस्रो किस्ता वापतको आयकर तिर्नसम्म नसक्ने अवस्था सिर्जना भएको बिज्ञप्तमिा उल्लेख छ ।

नेपालगन्जसंग सीमा जोडिएको भारतको उत्तरप्रदेश राज्यमा समेत कोरोनाको संक्रमण बढ्दै गएको परिस्थितीमा सचेत र सजग बन्दै खुल्ला सीमाना हुँदै नेपाल भित्रिने नागरिकको अनिवार्य स्वास्थ्य परीक्षण गर्नुपर्ने प्रावधानलाई अझ प्रभावकारी बनाउनका लागि अपील गर्दै संघलले कोरोना भाइरसको संक्रमण रोक्ने सरकारी अभियानमा हाम्रो पूर्ण साथ र समर्थन जनाएको छ ।साथै दैनिक उपभोग्य सामाग्रीहरु सर्वशुलभ रुपमा उपलब्ध गराउन र कुनै प्रकारको समस्या सिर्जना हुन नदिनु हुन सम्पूर्ण उद्योगी, व्यवसायीलाई अपील गरेको छ । उपभोक्ता वर्गले अभाव हुने आशंकामा आवश्यकता भन्दा बढि खरिद र भण्डारण नगरिदिनुहुन समेत आह्वान गरिएको छ । यस्तै होटल व्यवसायी संघ, बाँकेका अध्यक्ष भिमलाल कँडेलले एक प्रेस बिज्ञप्ती जारी गरी सहुलियत दिन माग गरेका छन् ।

Nabintech