१४ श्रावण २०७८, बिहीबार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
भारत र चीनबीच वार्ता हुँदै, सीमा विवादका विषयमा छलफल हुने


भारत र चीनबिच सीमा विवाद समाधानको प्रयास स्वरुप शनिबार वार्ता हुँदैछ । पछिल्ला दिनमा सीमामा देखिएको सैन्य तनाव अन्त्य गर्नका लागि भारत र चीनका लेफ्टिनेन्ट जनरल तहमा वार्ता हुँदैछ ।

पछिल्लो एक महिनादेखि भारत र चीनबिच लद्दाखको पैंगान्ग ताल र लद्दाखको गलवान उपत्यकाको संवेदनशील क्षेत्रलाई लिएर तनाव छ । भारतको पहलमा दुई देशका लेफ्टिनेन्ट जनरल तहमा वार्ता भइरहेको भारतीय सञ्चारमाध्यमले जनाएका छन् ।

वार्ता वास्तविक नियन्त्रण रेखा नजिक चुशूल–मोल्दोमा रहेको सीमा चौकीमा भइरहेको हो ।

वार्तामा भारतमा तर्फबाट भारतीय सेनाका १४ औँ बरियताका कमाण्डर लेफ्टिनेन्ट जनरल हरिन्दर सिंह सामेल छन् । चीनका तर्फबाट उनका समकक्षी सहभागी रहेका छन् ।

नियन्त्रण रेखामा अतिक्रमण बढेको दुवै तर्फको आरोप छ र यसलाई लिएर भिडन्तका घटना पनि हुने गरेका छन् ।

Nabintech