२५ फाल्गुन २०७७, मंगलवार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
बाँकेका २१ जनाले कोरोना पराजित गरे, डिस्चार्ज गरी घर पठाइयो


कोहलपुर/ कोरोना पराजित गरेका बाँकेका २१ जनालाई घर पठाइएको छ । खजुरा स्थित सुशील कोइराला प्रखर क्यान्सर अस्पतालमा कोरोना विशेष अस्पतालको आइसोलेसनमा राखिएका उनिहरुले कोरोना पराजित गरे पछि आज शुक्रवार डिस्चार्ज गरी घर पठाईएको हो । उनिहरलाई फुलमाला र खादा दिएर बिदाई गरिएको थियो ।

नेपालगञ्ज उपमहानगरपालिका वडा ७ का पहिलो सङ्क्रमित ६० वर्षीय पुरुषसहित नेपालगञ्ज–८ जोलाहनपुरका २० जना गरी २१ जना कोरोना भाइरसबाट निको भएका हुन् । कोरोनालाई परास्त गर्न सफ भएका उनिहरुले आत्मविश्वास बढायमा कोरोनालाई सजिलै जित्न सकिने प्रतिक्रिया दिएकाछन् ।

खजुरास्थित सुशील कोइराला प्रखर क्यान्सर अस्पतालमा प्रदेश सरकराले स्थापना गरेको कोरोना विशेष आइसोलेशन अस्पतालमा उपचार गराईरहेका उनीहरुमध्ये पहिलो सङ्क्रमितको तेस्रो पटकको परीक्षणमा मात्रै नेगेटिभ रिपोर्ट आएको भेरी अस्पताल नेपालगञ्जका मेडिकल सुपरिटेण्डेण्ट डा प्रकाश थापाले बताए ।

उनका अनुसार पहिलो सङ्क्रमितको यसअघि गरिएको दोस्रो पटकको परीक्षणमा पनि रिपोर्ट पोजेटिभ देखिएको थियो । अन्य २० जनाको भने दोस्रो पटकको रिपोर्ट नेगेटिभ आएको थियो ।

सुशील कोइराला अस्पताल खजुराको कोरोना विशेष अस्पतालमा उनीहरुलगायत २५ जना संक्रमितलाई राखी उपचार भइरहेको छ । अन्य चार जनाको समयावधि नपुगेको हुँदा दोस्रो परीक्षण नगरिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।

तीन दिनअघि दोस्रो तथा तेस्रो परीक्षणका लागि स्वाब सङ्कलन गरी भेरी अस्पतालको प्रयोगशालामा दुई पटकसम्म गरिएको परीक्षणमा पनि २१ जनाको रिपोर्ट नेगेटिभ आएको उनको भनाइ छ । नेपालगञ्जमा गत वैशाख १९ गते पहिलो सङ्क्रमण पुष्टि भएको थियो । बाँकेमा हाल सङ्क्रमित १०१ पुगेका छन् ।

Nabintech