४ कार्तिक २०७७, मंगलवार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
नेपालगन्ज उप-महानगरपालिकाले लकडाउन अबधिभर निःशुल्क भण्डारा सञ्चालन गर्दै 


नेपालगन्ज / नेपालगन्ज उप–महानगरपालिकाले नगर क्षेत्र भन्दा बाहिरबाट आई बसोबास गरिरहेका विपन्न समुदायका ब्यक्तिका लागि लक्षित गरि निशुल्क भण्डारा सञ्चालन गर्ने भएको छ । पालगञ्ज उपमहानगरपालिकामा शनिबार बसेको कार्यपालिकाको बैठकले लकडाउनका कारण समस्यामा परेका नेपालगञ्जमा भाडामा बसोबास गरिरहेका ज्यालादार मजदुर, विद्यार्थी लगायत अन्य विपन्न परिवारलाई दैनिक रुपमा साँझ विहान गरि दुई पटक निशुल्क खाना खुवाउनका लागि नगरका ५ स्थानमा भण्डारा सञ्चालन गर्ने निर्णय गरेको हो ।
उप–महानगरपालिकाका प्रबक्ता प्रमोद रिजालका अनुसार हडियाबाबा मन्दिर परिसर, बागेश्वरी मन्दिरको पार्क, रामलिला मैदान, आदर्श मावि राझा र शिक्षण अस्पताल पछाडीको आप बगियामा निशुल्क भण्डारा सञ्चालन गरिने छ । भण्डारा सञ्चालन कार्यको अनूगमन तथा सहजिकरणका लागि नगर प्रमुख डा. धवलशम्शेर राणाको संयोजकत्वमा उपप्रमुख उमा थापा मगर, वडा नम्बर २ का वडा अध्यक्ष सुनीलसिंह हमाल, वडा नम्बर ३ का वडा अध्यक्ष मो. अयुव सिद्धिकी, वडा नम्बर ७ का वडा अध्यक्ष जुम्मन खाँ, वडा नम्बर ९ का वडा अध्यक्ष विष्णु लामा, वडा नम्बर १२ का वडा अध्यक्ष वुद्धीसागर सुवेदी, वडा नम्बर १४ का वडा अध्यक्ष ओमकारनाथ मिश्रा, कार्यपालिका सदस्य मञ्जु नेपाली र सिमा कशौधन सदस्य रहेको समिति गठन गरिएको छ ।

नगरप्रमुख राणाले लकडाउनका कारण समस्यामा परेका विपन्न समुदायका ब्यक्ति र विद्यार्थीका सञ्चालन गर्न लागिएको भण्डारामा सरसफाईसँगै भिडभाड हुन नदिन सुरक्षा निकायसँग समन्वय गरिएको जानकारी दिनुभयो । आईतबार आन्तरिक ब्यवस्थापन गरेर सोमबारदेखि भण्डारा सञ्चालन गर्ने उप–महानगरपालिकाको तयारी छ । नेपालगञ्ज उपमहानगरपालिकाले नगरभित्रका विपन्न समुदायको पहिचान गरि वडा कार्यालय मार्फत राहत वितरण गरेको छ । नेपालगञ्ज उपमहानगरपालिकाका प्रमुख डा। धवलशम्शेर राणाको अध्यक्षतामा बसेको बैठकले कोरोना भाईरसको संक्रमणबाट उप–महानगरपालिकाका जनप्रतिनिधी र राष्ट्रसेवक कर्मचारीहरुको मृत्यु भएमा राहत स्वरुप १५ लाख रुपिया परिवारलाई उपलब्ध गराउने निर्णय गरेको छ ।उपमहानगरपालिका प्रमुख धवल शमशेर राणाले नगर भित्र का अप्ठ्यारोमा परेका जस्लाई बिहान बेलुका के खाउ भन्ने समस्या छ उनिहरुलाई निर्धक्क भएर भण्डारामा आएर खाना खान आग्रह समेत गरेका छन् ।

Nabintech