८ कार्तिक २०७७, शनिबार
ट्रेन्डिङ #कोरोना #दिल्ली हिंसा #दुर्घटना #प्रतिनिधि सभा #अपराध #शिक्षा #नेपाली सेना
स्वास्थ्यकर्मी संघद्धारा उपमहानगरलाई स्वास्थ्य सामाग्री सहयोग प्रदान


 

नेपालगञ्ज/ नेपला भारत दशगजा क्षेत्र तथा अन्य ठाउँमा निर्माण गरिएको अस्थायी क्वारेन्टाइनमा खटिने स्वास्थ्यकर्मीहरुका लागि नेपाल स्वास्थ्यकर्मी संघ बाँकेले स्वास्थ्य सामाग्री सहयोग प्रदान गरेको छ । संघ जिल्ला कार्यसमिति बाँकेले बिहिबार दशगजामा खटिने स्वास्थ्यकर्मीहरुका लागि भनेर नेपालगञ्ज उपमहानगरपालिका स्वास्थ्य सामाग्री सहयोग प्रदान गरेको हो ।

संघका पदाधिकारहरु सम्मिलित टोलीले प्रदान गरेको सामाग्री नेपालगञ्जकी उपमेयर उमाथापागरले ग्रहण गर्नुभयो । सामाग्री बुझ्दै उपमेयर थापाले कोरोना भाइरस नियन्त्रणको अभियानमा खटिएका स्वास्थ्यकर्मीहरु जोखिममा रहने हुँदा संघको सहयोगले उनीहरुलाई कार्यक्षेत्रमा टिकिराख्न मद्दत पुग्ने बताउनुभयो । कोरोना भाइरसको लडाईमा बिश्वभरीका देश लडिरहँदा यो लडाईर्ला सफल बनाउन हामीले सानो सहयोग गरेको संघ बाँकेका अध्यक्ष टेक बहादुर केसीले जानकारी दिनुभयो ।

सामाग्री संघका बरिष्ठ उपाध्यक्ष धिरजंग शाह, कोषाध्यक्ष मोहन देवकोटा, सह–सचिव तेजु बहादुर वली, संघका नेपालगञ्ज नगर संयोजक राजेश सेन, उपमहानगरपालिका स्वास्थ्य शाखा उपसंयोजक जागेश्वर बस्नेत, गणेश कार्की र बिनोद बिकको टोलीले एन ९५ मास्क २० थान, सर्जिकल मास्क २ सय ५० थान, ह्याण्ड सेनिटाईजर १० थान सहयोग प्रदान गर्नुभएको थियो ।

Nabintech